ડૉ. કૃપેશ ઠક્કર ગિટાર અને ગીતા લઈ ‘મ્યુઝિક થેરપી ફોર ઓલ’ અભિયાન માટે કરે છે ભારત ભ્રમણ!

ડૉ. કૃપેશ ઠક્કર એક તબીબ હોવાની સાથે સાથે જાણીતા ગીતકાર, સંગીતકાર, ગાયક અને ફિલ્મ નિર્માતા છે. તેમણે એમ.બી.બી.એસ. કર્યા બાદ અમેરિકાથી ‘માસ્ટર્સ ઇન હેલ્થ એડમિનીસ્ટ્રેશન’, ‘હેલ્થ આઈટી’ અને સંગીતમાં ડિગ્રી મેળવી અને રિસર્ચ સાયન્ટિસ્ટ તરીકે અનુભવ મેળવ્યો. ભારત પરત આવ્યા બાદ શ્રીમદ્ ભગવદ ગીતાના સિદ્ધાંતો પર કર્મયોગ પર ચાલતી સંસ્થા ગિવ વાચા ફાઉન્ડેશનની સ્થાપના કરી. જેમાં તેઓ દસ વર્ષથી સંસ્કૃતિ, સમાજ, સ્વાસ્થ્ય, સાહિત્ય અને સેવાના સ્થાનિક અને વૈશ્વિક પ્રોજેક્ટ કરે છે. આ ઉપરાંત ‘પર્વ ફ્યૂઝન બેન્ડ’ તરીકે ભારતનો પ્રથમ ફેમિલી બેન્ડ રૂપે તેઓ ગિટાર પર ગીતા સાથે ‘ગૂંજે ગીતા’ સ્પિરિચ્યુઅલ મ્યૂઝિકલ શો કરે છે. આ કાર્યક્રમ થકી તેઓ સંગીત અને અધ્યાત્મ સાથે સ્વાસ્થ્યને જોડી મ્યુઝિક થેરાપી તેમજ ‘ગ્લોબલ ક્લબફૂટ અવેરનેસ પર્વ’ નો જનજાગૃતિ અભિયાન ચલાવે છે. જેમાં તેમણે એક સો જેટલા કાર્યક્રમો પૂર્ણ કરી વિક્રમ સર્જ્યો છે.

ગિવ વાચા ફાઉન્ડેશન અંતર્ગત ‘કૃપ હેલ્થ’ સાથે સંગીત, સ્વાસ્થ્ય, રિસર્ચ અને મેનેજમેન્ટનું પચ્ચીસ વર્ષનું ભાથું લઈને ‘મ્યુઝિક થેરાપી ફોર ઓલ – ઇન્ડિયા ટુર’ માધ્યમે ગિટાર રૂપી શસ્ત્ર અને મ્યુઝિક થેરાપી રૂપી શાસ્ત્ર લઈને સંગીતની શરીર, મન અને પ્રકૃતિ પર થતી હકારાત્મક અસરોને સૌ સાથે વહેંચવા નીકળ્યા છે. તા. ૧૦ ઓકટોબર, ૨૦૨૪ ના રોજ ડૉ. કૃપેશ એ માતૃભૂમિ કચ્છથી શરૂઆત કરી છે. આવનારા ૫૦ દિવસમાં તેમણે ભારતના ૨૫ શહેરોમાં એક મિશન ‘લેટ ધ મ્યુઝિક હિલ’ સંગીતથી સારવાર કરવા ‘વસુધૈવ કુટુંબકમ’ ની ભાવના સાથે આગળ વધ્યા છે. આ યાત્રામાં ડૉ. કૃપેશ વ્યક્તિગત અને સમૂહમાં વિવિધ સંસ્થાઓ, હોસ્પિટલો, શાળા અને કોલેજો તેમજ અનાથાશ્રમ, વૃદ્ધાશ્રમ ઉપરાંત ગૌશાળાઓમાં મ્યુઝિક થેરાપીના સેશન થકી સેવા આપશે.

અગાઉના સફળ પ્રયોગો અને રિસર્ચને આધારે ડૉ. કૃપેશ એ અનેકવિધ મ્યુઝિક થેરાપી પ્રોજેક્ટનું નિર્માણ કર્યું છે. તેમણે બાળકો માટે બ્રેઇન રિવાયરીંગ, મહિલાઓ માટે હેપી પિરિયડ્સ, વડીલો માટે એન્ટિ-એજિંગ’, યુવાઓ માટે ‘બેલેન્સડ લાઈફ’, સંસ્થાઓ માટે ‘કોર્પોરેટ મ્યુઝિક થેરાપી’ એમ ૧૫૦ થી પણ વધુ સેશન કરેલા છે. આ ઉપરાંત ‘કૃપ મ્યુઝિક થેરાપી ક્લિનિક એન્ડ રિસર્ચ સેન્ટર’ અંતર્ગત પ્રકૃતિ અને પ્રાણીઓ માટે ‘ગૌશાળામાં ગૂંજે ગીતા’ પ્રોજેક્ટ સાથે ભારતીય સંગીતની પ્રકૃતિ અને પ્રાણીઓ પર થતી હકારાત્મક અસરોના અભ્યાસ અને સફળ પ્રયોગો કર્યા છે. જેની ગુજરાતના મુખ્યમંત્રી, ગૃહ મંત્રી, સ્વાસ્થ્ય મંત્રી અને સાહિત્ય અકાદમી પ્રમુખએ પણ પ્રશંસા કરેલી છે. ડૉ. કૃપેશના બહુવિધ આયમોમાં આપેલ યોગદાનને વિવિધ સંસ્થાઓએ એવોર્ડ આપી બિરદાવ્યા છે.