ડૉ. પૂજા ઠક્કર

લેખિકા તરીકે ડૉ. પૂજા ઠક્કર નું પુસ્તક ‘ઘરેલુ આયુર્વેદિક ઉપચાર’ વિશ્વના સૌથી લાંબા સાહિત્ય ઉત્સવ ‘કૃપ લિટરેચર ફેસ્ટિવલ’ અંતર્ગત કૃપ પબ્લિશિંગ દ્વારા વૈશ્વિક સ્તરે પ્રકાશિત થયું છે. આયુર્વેદ તબીબ, મ્યુઝિક થેરાપીસ્ટ અને વુમન એન્ડ ચાઇલ્ડ કાઉન્સેલર તરીકે તેમણે ગુજરાત અને કચ્છના વિવિધ શહેરો, ગામડાઓ, સંસ્થાઓ, અનાથાશ્રમ તેમજ વૃદ્ધાશ્રમ ખાતે 150 થી પણ વધુ હેલ્થ કેમ્પ, વર્કશોપ અને સેમિનારમાં સેવા આપેલી છે. ગિવ વાચા ફાઉન્ડેશન ના કોમ્યુનિટી હેલ્થ ડાયરેક્ટર તરીકે તેઓ 50 થી પણ વધુ પ્રોજેક્ટમાં પોતાનું યોગદાન આપી રહ્યા છે. હાલમાં જ તેમના દ્વારા નિર્માણ પામેલા વિવિધ કૌશલ્ય વર્ધક સર્ટિફિકેટ અને ડિપ્લોમા કોર્સ કચ્છ યુનિવર્સિટી દ્વારા મંજૂર થયા છે. તેઓ પ્રોફેસર તરીકે વિદ્યાર્થીઓને આયુર્વેદ અને મ્યુઝિક થેરાપીની તાલીમ આપે છે. આ ઉપરાંત તેઓ ગ્લોબલ લિટરેચર એન્ડ કલ્ચરલ ક્લબ – કચ્છ ના ઉપપ્રમુખ અને હેલ્થ એમ્બેસેડર તરીકે પણ ફરજ બજાવી રહ્યા છે.